GAMBIT ASSECO SEE 8 place European Chess Championship 2018 Porto Carras
The second Macedonian representative of the ECC, Skopje Gambit Asseco SEE (ranked 27th, with an aver...
more
Open Karpos Live Games
Follow live games for Open Karpos HEREYou can check results on Chess-Results.com
more
GAMBIT ASSECO-SEE SOLVING CONTEST 2018
GAMBIT ASSECO SEE SOLVING CONTEST 2018 is open chess solving competition, for all interested n...
more
КИРИЛ ГЕОРГИЕВ ПО ВТОРПАТ ДОМИНИРА НА ,,ОПЕН КАРПОШ’’ - 4/8/2014
Осморангираниот бугарски велемајстор Кирил Георгиев (рејтинг 2625) е победник на четвртото издание на шаховскиот турнир Карпош опен, кој се одржа од 29 март до 5 април во хотелот „Александар палас“ во Скопје за награден фонд од 25.000 евра. Георгиев единствен освои 7,5 поени од девет партии на турнирот со 263 учесници, а за првото место му припадна наградата од 5.000 евра. За некогашниот репрезентативец на Македонија ова е втор триумф на турнирот што го организираат истоимената скопска општина и шаховскиот клуб Гамбит Асеко по победата предминатата година.
„Се надевам дека Скопје ќе прерасне во еден од најдобрите шаховски центри во Европа. Сакам на сите да им се заблагодарам, и на организаторите и на играчите, и да им посакам многу среќа наредната година“, изјави Георгиев. Тој забележа шест победи, вклучувајќи ја и таа над тогашниот лидер Андреј Вовк (2605) од Украина во последното коло, а запиша и три нерешени резултати.
Второто место го освои ВМ Иван Салгадо Лопез (2605) од Шпанија, за што е награден со 2.529 евра, а трет е ВМ Едуардо Итуризага Бонели (2645) од Венецуела, кој доби 1.879 евра. Обајцата собраа по седум поени, што им успеа на уште петмина, но Салгадо и Итуризага се пред нив според дополнителните критериуми.
Најуспешен од македонските шахисти на турнирот е интермајсторот Филип Панчевски (2466), кој со шест поени заврши на делба на 23. место, а според Бухолц е 38. Во групата на делба на 44. позиција со по 5,5 поени се најдоа ВМ Звонко Станојоски (2415), ВМ Драгољуб Јаќимовиќ (2422), ВМ Александар Чоловиќ (2493), ФИДЕ-мајсторот Дејан Динев (2342) и ВМ Влатко Богдановски (2447).
Резултати од последното коло: К. Георгиев - Вовк 1-0, Салгадо - Маркуш реми, Антон - Итуризага 0-1, Беркеш - Кожул 0-1, Смирин - Ѓукиќ реми, Роиз - Розенталис реми, Григорјанц - Пералта 1-0, Салем - Предоевиќ реми, Кулјашевиќ - Гранделиус 1-0, Гранда Зунига - Семсесен 1-0 итн.
Конечна табела: К. Георгиев 7,5 поени, Салгадо, Итуризага, Маркуш, Вовк, Кожул, Кулјашевиќ и Григорјанц по 7 итн.